ஞாயிறு, 6 மார்ச், 2011

வேட்புமனு தாக்கல் விதிமுறைகள்!

சட்டசபை தேர்தல் மற்றும் பாராளுமன்ற தேர்தலில் போட்டியிட விரும்பும் வேட்பாளர்கள் வேட்புமனு தாக்கல் செய்யும் போது கீழ்கண்ட விதிகளை கண்டிபாக கடைபிடிக்க வேண்டும்.

* வேட்பு மனு தாக்கல் செய்யும்போது விண்ணப்பம், டெபாசிட் கட்டணம் போன்றவற்றுடன் தங்களைப் பற்றிய விவரங்கள் அடங்கிய ஒரு பிரமாண பத்திரத்தையும் தாக்கல் செய்ய வேண்டும்.

* பிரமாண பத்திரத்தில் விண்ணப்பதாரர், அவரது மனைவி அல்லது கணவன் மற்றும் குழந்தைகளின் பான்
கார்டு (வருமான வரி கணக்கு எண்), வருமான வரி ரிட்டன் தாக்கல், ஆண்டு வருமானம் தர வேண்டும்.

* நீதிமன்றங்களில் உள்ள வழக்கு விவரம்

* கையிருப்பில் உள்ள ரொக்க பணம், வங்கியில் இருக்கும் டெபாசிட், பத்திரங்கள் மற்றும் மியூச்சுவல் பண்ட் முதலீடு, தபால் அலுவலங்களில் முதலீடு, ஆயுள் காப்பீடு, வங்கி மற்றும் நிதி நிறுவனங்களில் உள்ள கடன்.

* சொந்தமாக வைத்துள்ள வாகனங்கள், கப்பல்கள், விமானங்கள் விவரம், ஆபரணங்கள், தங்க நகைகள் விவரம்.

* சொத்து விவரம், விவசாய நிலம், விவசாயம் சாராத நிலம், வணிக வளாகங்கள், வீடுகள் மற்றும் அவற்றின் இன்றைய மார்க்கெட் மொத்த மதிப்பு.

* வங்கிகள் மற்றும் நிதி நிறுவனங்களில் உள்ள கடன்கள், அரசு துறைகளுக்கு செலுத்த வேண்டிய வரிபாக்கி விவரம்.

* தொழில் மற்றும் கல்வித்தகுதி.

கருத்துகள் இல்லை: